monumenta.ch > Hildegardis Abbatissa > sectio 40 > csg46.103 > sectio 14 > bnf10439.169 v > bnfGrec107.625 > sbsMin.43.138r > sectio 45 > Augustinus, Epistolae, 75, 1, 1 > sectio 10 > sectio 14 > Ioannes, 13 > sectio 118 > sectio 113 > sectio 9 > sectio 89 > sectio 37 > csg251.45 > sectio 48 > sectio 36 > sectio 128 > sectio 19 > sectio 9 > sectio 2 > bsbClm6224.205 > sectio 6 > uldLIP7.211 > sectio 38 > bnf7587.109 > sectio 19 > sectio 6 > bnf10439.173 v > sectio 18 > 'Goliath' in ' 153' > Petrus Comestor, Historia scholastica, p12, 22 > bnf17226.131 > bnf9389.266 > sectio > uwbM.p.th.q.1a.142 > sectio 2 > sectio 24 > sectio 30 > sectio 55 > sectio 64 > sectio 73 > csg85.207 > sectio 2 > sectio 2 > sectio 47 > sectio 38 > sectio 20 > sectio 29 > sectio 13 > bnf17349.171 > sectio 119 > csg547.287 > 113 > sectio 11 > bnf17226.212 > bnf9389.417 > bsbClm6224.466 > 4 > sectio 51 > bsbClm6224.297 > sectio 144 > bsbClm6224.225 > 15 > bsbBSB-InkG-296GW11398.127 > sectio 98 > sectio 60 > sectio 116 > sectio 29 > sectio 33 > csg576.105 > sectio 3 > uwbM.p.th.q.1a.227 > sectio 21 > sectio 1

Word Selection for Searching

Report an Error in this Sectio
Augustinus, Sermones, 10, 153, 1
Audivimus, concorditerque respondimus, et Deo nostro consona voce cantavimus: Beatus vir quem tu erudieris, Domine, et ex lege tua docueris eum . Silentium si praebeatis, audietis. Non invenit locum sapientia, ubi non est patientia. Nos loquimur, sed erudit Deus: nos loquimur, sed Deus docet. Non enim beatus dictus est quem docet homo, sed quem tu erudieris, Domine. Nos plantare possumus et rigare: sed Dei est incrementum dare . Qui plantat et qui rigat, forinsecus operatur: qui dat incrementum, intrinsecus opitulatur. Quae nobis lectio de sancti Apostoli Epistola proposita sit ad loquendum, quam difficilis, quam latebrosa, quam (si non intelligatur aut male intelligatur) periculosa; puto, fratres, imo scio, quia nobiscum recitaretur, audistis; et fluctuastis, si advertistis; aut si aliqui et intellexistis, quam sit arduum sine dubitatione vidistis. Hanc itaque lectionem totumque ipsum molestum et obscurum, sed intelligentibus salubrem Epistolae Apostoli locum suscepimus, adiuvante misericordia Dei, exponere disserendo. Charitati vestrae debitores nos esse scio, exactores vos esse sentio. Quemadmodum nos, ut ista percipiatis, oramus: sic et vos orate, ut ea vobis explicare valeamus. Si enim oratio nostra concordet; et vos faciet Deus idoneos auditores, et nos debiti huius fidelissimos redditores.